lunes, 3 de febrero de 2014

Chu e An

Como no conto de Rodari  "Un e sete" - si, aínda seguimos con el- só había nenos, eu decidira "adaptalo" e así apareceu en París unha nena : Adele, e en Nova Iorque outra, Emily. Tamén  fixen que algúns dos pais se convertisen en nais para que o "cadro" quedara máis completo.

A pesares diso, cando chegamos a CHU, que vivía en Shanghai, unha das primeiras preguntas foi:

-É neno ou nena?
 Eu propuxen que decidiran eles, e comenzou a discusión.
- Pois eu digo que é neno- Marcos-
- Debe ser nena, porque hai moi poucas, só dúas- Samara-
-É verdade- Saul- ten que ser nena.

E foi nena.

Eu quero pensar que a Rodari lle parecería ben a "miga" que pode ter o seu conto.

E agora estamos a buscar nomes chinos de nena e neno e a coñecer un pouquiño de Shanghai .

De entre todos os nomes , escollimos  AN, que significa PAZ 





No hay comentarios: